Пашпарт Статкевіча знайшоўся ў СІЗА №1. Палітыку забаронена пакідаць краіну

Пра гэта паведамляецца ў Telegram-канале Statkevich M, дзе ёсць і фота пашпарта ў вокладцы з "Пагоняй".

"Разам з пашпартам знайшліся і мае турэмныя рэчы, сярод якіх - "судовы" прысуд і рашэнне "апеляцыйнай інстанцыі". Цікавыя дакументы для будучых даследчыкаў ці следчых. Таксама ёсць рашэнне "суда", якое забараняе мне пакідаць краіну і (які жах!) наведваць казіно", - перадаюцца словы Міколы Статкевіча.

Нагадаем, Міколу Статкевіча ў 2021 годзе асудзілі на 14 гадоў калоніі, у 2025 годзе вызвалілі і спрабавалі вывезці ў Літву, але палітык адмовіўся з’язджаць. Потым ён знік - як высветлілася, быў зноў затрыманы. Падчас другога зняволення перанёс інсульт. Вызвалены ў лютым 2026 года.

@dw_belarus