8th Pay Commission ke naam par fake salary calculator circulate ho raha hai. Government employees ko target kiya ja raha hai.

Scammers SMS ya WhatsApp par ek .apk file bhej rahe hain jisme likha hota hai ki “8th Pay Commission ke baad aapki salary kitni hogi, yahan check karein.”

Ye file install karte hi malicious app device par load ho sakti hai.

Iss tarah ke scams mein:
• Major government announcements ka naam use karke urgency create ki jaati hai
• Official jaisa naam, logo aur technical language use ki jaati hai
• Users ko .apk file download karne ke liye push kiya jaata hai
• Install hone ke baad device access, OTPs aur banking details misuse ki ja sakti hain

Dhyaan rakhein:
• Sarkari departments WhatsApp par .apk files share nahi karte
• Salary ya Pay Commission ki jaankari sirf official government websites par hi verify karein
• Unknown links ya files ko download na karein
• Apps sirf official app stores se hi install karein