💔🕊21 траўня — дзень салідарнасці з палітвязнямі. Сёння мы заклікаем дапамагчы тым, каго беларускія ўлады пазбавілі дому і здароў’я за пазіцыю:

Кірыл і Караліна з'ехалі з Беларусі, калі яму прысудзілі чатыры гады «хіміі». У яе склероз, трэба грошы на лекаванне.

Пасля двух гадоў калоніі Таццяна з’ехала ў Польшчу. Цяпер яна змагаецца за легалізацыю — ёй патрэбная падтрымка, каб аплаціць паслугі адваката.

Алене Гнаук 68 гадоў, пасля калоніі яе дэпартавалі з краіны — ёй няма, за што купіць ежы і аплаціць арэнду жылля.

Ганне і яе брату патрэбная дапамога — яны пакінулі Беларусь пасля даносу, які напісаў хлапец пасля адмовы ў рамантычных стасунках.

Былому малафронтаўцу Яўгену Скачко і ягонай сям’і патрэбная дапамога — яго асудзілі на 3 гады калоніі.

Алег страціў пальцы на нагах. Працаваць у эміграцыі ён можа толькі з дапамогай грузавога электравеласіпеда, на які і збірае сродкі.

Беларус гадамі працаваў у культуры Беларусі. Праз пераслед ён не можа гэта рабіць — збірае на ежу, арэнду і лекі.

@bysol