🌱 BuxDU negizida tashkil etilgan korxona faoliyati o‘rganildi

Buxoro davlat universiteti negizida tashkil etilgan “BUKHSU BIOCONTROL” MCHJ faoliyati o‘rganildi. Korxona tomonidan spin-off korxona maqomini olish uchun tegishli tartibda ariza berilgan.

🔬 Korxona qishloq xo‘jaligi ekinlarini foydali entomofaglar yordamida biologik himoya qilish, xususan, "Oltin ko‘z (Chrysoperla carnea)"ni ko‘paytirish va zararkunandalarga qarshi qo‘llash yo‘nalishida faoliyat olib bormoqda. Mazkur usul kimyoviy vositalarga muqobil, ekologik xavfsiz va samarali yechim sifatida ahamiyatlidir.

O‘rganish davomida korxonaning ilmiy ishlanmalarni amaliyotga joriy etish, mahsulotlarni tijoratlashtirish hamda spin-off maqomini olish bo‘yicha amalga oshirilayotgan ishlar yuzasidan fikr almashildi.

🌿 Mazkur loyiha ilm-fan va ishlab chiqarish integratsiyasini kuchaytirish, innovatsion ishlanmalarni amaliyotga joriy etish hamda ekologik toza qishloq xo‘jaligini rivojlantirishga xizmat qiladi.

Bizni kuzating