Ўзбекистонда антидопинг қоидаларига ўзгартиришлар: Спортчилар учун семинарлар ўтказилади

Ўзбекистон Республикаси Миллий антидопинг агентлиги Бутунжаҳон антидопинг Кодекси ва халқаро стандартларга киритилган муҳим ўзгартиришлар ҳақида маълум қилди. Янги таҳрирдаги Кодекс 2027 йилдан расман кучга киради.

Агентлик ушбу янгиланишларни спорт жамоатчилигига етказиш, шунингдек, спортчиларнинг халқаро мусобақаларга тайёргарлиги жараёнида антидопинг қоидабузарликларининг олдини олиш мақсадида жойларда махсус ўқув-семинарлар ташкил этишни режалаштирмоқда.

Режага кўра, ўқув-семинарларда спорт федерациялари ва ассоциацияларининг масъул ходимлари, терма жамоа мураббийлари ҳамда спортчилар иштироки таъминланади. Ушбу масалалар юзасидан боксчиларимиз учун ҳам ўқув-семинар ўтказилди.

Мазкур ташаббус спортда ҳалолликни таъминлаш ва допингга қарши кураш тизимини янада кучайтиришга қаратилган.

ОБУНА БЎЛИНГ��BoxingUzbekistan