Финал, 90 кг: Ҳалимжжон Мамасолиев) – Парвиз Каримов (Тожикистон) (Матнли трансляция)

- Ҳалимжон Мамасолиевни жанги бошланяпти. Мамасолиев ярим финалда жуда кучли рақиб Сағиндиқ Тоғамбайни мағлуб эта олганди.

- Ҳалимжон чиқиб келмоқда. У кўк бурчакда ҳаракат қилади.

- Бурчагида юқорида ёзилган мураббийлар.

- Биринчи раунд бошланди. Дарҳол Ҳалимжон олдинга ташланди.

- Рақиб бўй борасида анча устун. Лекин бу ҳозирча ёрдам бермаяпти.

- Ҳалимжон жиддий босимни амалга оширяпти.

- Ҳалимжон тўхташни асло истамаяпти.

- Тожикистонлик боксчи "апперкот" зарбаларини ишга солмоқда. Аммо Ҳалимжонда ҳимоя бор.

- Мамасолиев ҳужумни давом эттиряпти.

- Биринчи раунд якунланди. Муболаға бўлмаса Мамасолиев супер раунд ўтказди. 5:0 ҳисобидаги устунлик.

- 2 раунд бошланди. Тожикистон вакили иккилик зарбаларини ишга солмоқда.

- Яна Ҳалимжон масофани қисқартириб, ён томондан "кросс" зарбаларини йўллаяпти.

- Парвиз Каримовнинг ўнг қўлида кучли зарба бор экан. Эҳтиёт бўлиш керак.

- Ҳалимжон фақат олдинга боряпти ва самарали зарбаларни йўллаяпти. Бу раунд ҳам тўла устунлик.

- 3 раунд бошланди. Раҳматжон Рўзиохунов "ҳотиржамликка берилма, ҳали жанг якунланмади", дея Ҳалимжонни олдинга ундади.

- Мана энди Тожикистон вакили вазиятни ўнглашга ҳаракат қиляпти. Бироқ Мамасолиев серияли зарбалар билан уни тўхтатди.

- Танага кетма-кет зарбалар, Ҳалимжон ижросида...

- Оххх Ҳалимжон ўнг қўл кучли зарбасини ўтказа олди.

- Жанг якунланди ва сизларни навбатдаги олтин медаль билан табриклайман!

- Расмий натижа 5:0 кўриниш олди. Ҳалимжон Мамасолиев Осиё чемпиони!