Финал: -80 кг, Фазлиддин Эркинбоев - Ҳусейн Ишаиш (Иордания) (Матнли трансляция)

- Фазлиддин Эркинбоев чиқиб келмоқда. У кўк бурчакда ҳаракат қилади.

- Бурчагида Раҳматжон Рўзиохунов ҳамда шахсий мураббийи Шерзод Аҳмаджонов...

- Ака-ука Ишаишлар жиддий рақиб. Эгизаги қозоғистонлик Торехан Сабирханни финалда мағлуб эта олди. Лекин Эркинбоевга ишонамиз. Олға Фазлиддин!.

- Фазлиддин ташаббусни қўлга олди ва ҳар доимгидек кучли зарбаларини ўтказа оляпти.

- Ишаиш ҳам жиддий қаршилик кўрсатишга уриняпти. Аммо ҳар доим ҳам буни уддалаётгани йўқ.

- Биринчи раунд якунланланди. Ҳа, 4:1 ҳисобида устунлик Фазлиддинга келди.

- 2-раунд бошланди.

Ишаиш олдинга боряпти энди. Лекин Эркинбоев қарши ҳужумда аъло даражада ишлаяпти.

- Огоҳлантиришларни ҳам кўрдик.

- Шиддатли тус оляпти жанг. Оххо кучли зарбалар алмашинуви...

- Ишаишда жароҳат...

- Давом этамиз, чап қўлда яхши кутиб оляпти Фазлиддин.

- Ишаиш таваккалига олдинга... боряпти

- 2 раунд якунланди. Устунлик Эркинбоев тарафида. Ҳал қилувчи 3 раунд қолди.

- 3 раунд бошланди.

- Мана Эркинбоев энди оёқ ҳаракатларига эътибор қаратиб, "жеб" зарбалари билан очко йиғишни бошлади.

- Очиқ жанг бошланиб кетди...

- Бошлар тўқнашиб кетди. Фазлиддинда ҳам жароҳат.

- Раҳматжон Рўзиохунов ҳотиржам ҳаракат қилиш кераклигини уқтирди.

- Эркинбоев шоуни бошлаб юборди. Ишаиш унга ета олмаяпти.

- Жанг якунланди. Якуний ва расмий эълонни кутамиз. Ваҳоланки олтин медаль билан барчани олдиндан қутлашим мумкин!

- Демак, 4:0 ҳисобидаги ғалаба ва навбатдаги олтин медаль!