Хабарингиз бор, терма жамоамиз Мўғулистон мезбонлигидаги Осиё чемпионатига жўнаб кетишган. Вакилларимиз Улан-Батор шаҳрига етиб боришди…

Биз Ўзбекистон терма жамоаси катта мураббийи Раҳматжон Рўзиохунов билан боғланиб, яратилган шарт-шароитлар ва умуман терма жамоадаги кайфиятлар ҳақидаги фикрлари билан қизиқдик.

- Бизни  яхши кутиб олишди. Бироқ, шароитлар ажойиб десам бироз ошириб юборган бўламан.  Меҳмонхона ошхонасининг таомномасида спортчилар учун бироз камчиликлар борлиги кўзга ташланди. Шундан сўнг биз Ўзбекистон бокс федерациясига алоқага чиқдик ва раҳбариятимиз бизни керакли озиқ-овқат билан таъминлади. Йўллар тирбандлиги учун машғулотларга пиёда боришга тўғри келяпти. Ҳаво бироз совуқлиги учун машғулотдан кейин жамоа аъзолари шамоллаб қолмаслиги учун ҳаракат қиляпмиз.

Умуман олганда барча жамоалар бир хил шароитда. Бу биз учун қандайдир баҳона эмас!

Шуларни инобатга олмаганда, терма жамоада кайфият жуда яхши ва жанговар ҳолатда. Кеча Хитой Тайпейи делегацияси мутасаддилари қўшма машғулот ўтказишни илтимос қилишди. Улар билан биргаликда ишладик. Насиб қилса, яхши натижалар билан қайтамиз.

ОБУНА БЎЛИНГ��BoxingUzbekistan