УМИДА ОМОНОВА ШАХМАТ БЎЙИЧА ОСИЁ ЧЕМПИОНАТИ БРОНЗА МЕДАЛИ СОҲИБАСИ!
 
Жорий йилнинг 28-30 июль кунлари Хитой Халқ Республикасининг Гонконг шаҳрида шахматнинг рапид ва блиц йўналишлари бўйича Осиё чемпионати бўлиб ўтди. 14 давлатдан 178 нафар шахматчи иштирок этган қитъанинг нуфузли мусобақасида BMB HOLDING бренд-амбассадори, халқаро гроссмейстер Умида Омонова муносиб иштирок этиб, яна бир муҳим халқаро муваффақиятга эришди.
 
Чемпионатнинг блиц баҳсларида Умида 9,5 очко жамғариб, фахрли учинчи ўринни эгаллади ва Осиё чемпионатининг бронза медалига сазовор бўлди.
 
Шунингдек, рапид баҳсларида 7,5 очко тўплаб, мусобақани кучли бешликдан жой олган ҳолда якунлади. Бу натижа ҳамюртимизнинг юксак спорт маҳорати, кучли иродаси ва халқаро майдондаги рақобатбардошлигини яна бир бор яққол намоён этди.
 
BMB HOLDING жамоаси Умида Омоновани ушбу муносиб натижа билан самимий табриклаб, унга келгуси мусобақаларда ҳам янги ғалабалар ва Ўзбекистон шарафини халқаро майдонларда муносиб ҳимоя қилишда улкан муваффақиятлар тилайди.

Telegram l Website l Facebook* l Instagram* l YouTube l LinkedIn