⚡️ Махсус валюта ҳисобварағидаги маблағларни бошқа халқаро валюта операцияси учун йўналтиришга рухсат берилиши мумкин

«Ўзбекистон Республикасида валюта операцияларини амалга ошириш қоидалари»нинг 28-бандига ўзгартириш киритишни назарда тутувчи қарор лойиҳаси ишлаб чиқилди.

Амалдаги тартибга кўра, махсус валюта ҳисобварағига киритилган маблағлар фақат банкка тақдим этилган буюртмада кўрсатилган мақсад учун сарфланиши мумкин. Яъни маблағдан бошқа мақсадда фойдаланишга йўл қўйилмайди.

Таклиф этилаётган ўзгаришга мувофиқ, махсус валюта ҳисобварағига киритилган маблағлар аввалгидек буюртмада кўрсатилган мақсад учун сарфланади. Бироқ мижознинг режаси ёки эҳтиёжи ўзгарган тақдирда, у банкка қўшимча буюртма тақдим этиб, ушбу маблағларни бошқа жорий халқаро валюта операциясини амалга оширишга йўналтириши мумкин бўлади.

Масалан, мижоз махсус валюта ҳисобварағига муайян ташқи савдо операцияси бўйича тўловни амалга ошириш учун маблағ киритган бўлса, кейинчалик ушбу маблағдан бошқа жорий халқаро валюта операцияси учун фойдаланиш зарурати пайдо бўлса, банкка қўшимча буюртма тақдим этиши мумкин.

Каналга уланиш👉🏻 @Bankxabar