⚡️ЭНДИ МАРКАЗИЙ БАНК ТИЖОРАТ БАНКЛАРИ РАҲБАРЛАРИГА ҚЎЛЛАНГАН ЖАРИМАЛАРНИ УЛАРНИНГ Ф.И.ШИ БИЛАН ОЧИҚЛАШИ МУМКИН

Марказий банк томонидан қабул қилинган янги ўзгаришларга кўра, эндиликда банк раҳбариятига нисбатан жарима ёки санкция қўллаш мумкин бўлган қоидабузарликлар аниқ рўйхат асосида белгиланмоқда.

☑️ Хусусан, банкни ташкил этиш, таваккалчиликларни бошқариш ва ички назоратни таъминлаш бўйича вазифаларни бажармаслик, қонунларга зид қарорлар қабул қилиш, қоидабузарликларнинг олдини олиш бўйича чора кўрмаслик, шунингдек мижозларга етказилган зарарни бартараф этиш чораларини кўрмаслик каби ҳолатлар учун тижорат банклари раҳбарларига нисбатан санкциялар қўлланиши мумкин.

☑️ Шу билан бирга, қоидабузарликларни яширишга уриниш ёки манфаатлар тўқнашувига йўл қўйиш ҳам алоҳида қоидабузарлик сифатида кўрсатилмоқда.

Энг муҳим жиҳатларидан бири шундаки, Марказий банк энди ўз расмий сайтида банк раҳбарларига нисбатан қўлланилган санкциялар ҳақидаги маълумотларни уларнинг тўлиқ Ф.И.Ши билан бирга эълон қилиш ҳуқуқига эга бўлади.

Мазкур ўзгаришлар 2026 йил 7 августдан кучга киради.

Каналга уланиш👉🏻 @Bankxabar