APEX INSURANCE ЎФАнинг Бош суғурта ҳамкори бўлди

Ўзбекистон футбол ассоциацияси (ЎФА) ва “APEX INSURANCE” АЖ ўртасида ҳамкорлик келишуви имзоланди. Ушбу шериклик миллий терма жамоамизнинг FIFA 2026 Жаҳон чемпионатига илк бор йўлланма олган тарихий палласида кучга киргани билан ҳам аҳамиятли.

Энди, APEX INSURANCE бош суғурта ҳамкор сифатида миллий терма жамоа, ассоциация клублари, мураббийлар ва тиббий штабни тўлиқ суғурта ҳимояси билан таъминлайди. Бундан ташқари, компания суғурта билан чекланмасдан Ўзбекистондаги футбол майдонлари ва объектларини кенгайтириш ҳамда спорт мактабларининг моддий-техник базасини мустаҳкамлашни қўллаб-қувватлашини ҳам билдирган.

Айни кунларда миллионлаб мухлислар диққат марказида бўлиб турган ўзбек футболи учун бу келишув янги ютуқлар сари ташланган катта қадам бўлиб хизмат қилади деб умид қиламиз.