🔴 Sirdaryoda tadbirkorlar bilan sayyor uchrashuv: yangi qonun mazmuni tushuntirildi

🔹Tadbirkorlarning muammolarini o‘rganish hamda yangi qabul qilingan me’yoriy-huquqiy hujjatlarning mazmun-mohiyatini yetkazish maqsadida Sirdaryo viloyati adliya boshqarmasi tomonidan sayyor uchrashuv o‘tkazildi.

🔹Uchrashuv Sirdaryo tuman erkin iqtisodiy zonasida tashkil etilib, unda O‘RQ–1080 Qonunining asosiy jihatlari tadbirkorlarga batafsil tushuntirildi.

🔹Xususan, mazkur hujjat bilan intellektual mulk obyektlarini ro‘yxatdan o‘tkazish tartiblari soddalashtirilgani, ekspertiza muddatlari qisqartirilgani hamda huquqbuzarliklar uchun javobgarlik kuchaytirilgani ta’kidlandi.

🔹Tadbir davomida tovar belgilari va xizmat ko‘rsatish belgilarini ro‘yxatdan o‘tkazish tartibi, ularning turlari va huquqiy himoyasi, shuningdek, kontrafakt mahsulotlarga qarshi kurashish bo‘yicha amalga oshirilayotgan ishlar yuzasidan ma’lumotlar berildi.

🔹Shu bilan birga, tadbirkorlarning huquqiy muammolari tinglanib, ularga zarur tavsiyalar va amaliy yordam ko‘rsatildi.

📌 Mazkur uchrashuvlar tadbirkorlar faoliyatini qo‘llab-quvvatlash, ularning huquqiy savodxonligini oshirish hamda biznes muhitini yanada yaxshilashga xizmat qilmoqda.

Kanalga ulaning va yangiliklardan xabardor bo‘ling
🚀Telegram | 📷Instagram* | 🔵Facebook* | 📱YouTube | Bot