#Qonunchilikdagi_yangiliklar

💳 QR-kodlar orqali to‘lovlarni amalga oshirish tartibi tasdiqlandi

✅ Adliya vazirligi tomonidan yagona QR-kodlar bo‘yicha idoraviy hujjat davlat ro‘yxatidan o‘tkazildi (3817-son, 2026-yil 15-aprel).

🔹 Mazkur hujjat Prezidentning PF–246-son Farmoni ijrosini ta’minlash maqsadida qabul qilingan.

❗️ Eslatib o‘tamiz, ushbu Farmon bilan barcha savdo va xizmat ko‘rsatish sohasidagi yuridik shaxslar uchun bosqichma-bosqich yagona QR-kod orqali to‘lovlarni qabul qilish tizimi joriy etilishi belgilangan.

📌 Unga ko‘ra, QR-kod orqali to‘lovlarni amalga oshirishning yagona tartibi hamda yagona QR-kod tizimi ishtirokchilarining vazifalari belgilandi.

💡 Yagona QR-kod nima beradi?
▫️ istalgan bank yoki to‘lov ilovasi orqali to‘lov qilish imkoniyati
▫️ barcha to‘lov tizimlarining o‘zaro integratsiyasi

📊 Qoidalarga ko‘ra:
✔️ QR-kodlar statik va dinamik turlarga ajratiladi;
✔️ to‘lovlar haqidagi ma’lumotlar va hisob-kitoblar avtomatlashtiriladi;
✔️ mijozlarni qo‘llab-quvvatlash va murojaatlarni kuzatish tizimi joriy etiladi.

📱 Foydalanuvchilar uchun qulayliklar:
🔹 QR-kodni skanerlash orqali tezkor to‘lov
🔹 to‘lov summasini tasdiqlash
🔹 har bir operatsiya bo‘yicha onlayn ma’lumotnoma olish
🔹 tranzaksiyalar tarixini kuzatish

📌 Mazkur tizim to‘lov jarayonlarini soddalashtirish, shaffoflikni oshirish hamda naqdsiz hisob-kitoblarni kengaytirishga xizmat qiladi.

Kanalga ulaning va yangiliklardan xabardor bo‘ling
Telegram | Instagram* | Facebook* | YouTube | Bot