#intellektual_mulk

🔴 “ROAD 24” brendi rasmiy himoya ostida

🔹Davlat xizmatlarini raqamlashtirish va fuqarolarga qulaylik yaratishga qaratilgan “ROAD 24” mobil ilovasi Adliya vazirligi tomonidan tovar belgisi sifatida davlat ro‘yxatidan o‘tkazildi.

🔹Mazkur ilova yo‘l harakati sohasida haydovchilar uchun bir qator qulayliklarni taqdim etadi.

📱 Asosiy imkoniyatlar:
🔹yo‘l harakati qoidabuzarliklari bo‘yicha jarimalarni onlayn tekshirish;
🔹jarimalarni masofaviy va xavfsiz to‘lash;
🔹haydovchilar uchun muhim bildirishnomalarni tezkor qabul qilish.

🛡 Huquqiy himoya: Tovar belgisining ro‘yxatga olinishi “ROAD 24” ilovasining huquqiy muhofazasini ta’minlaydi. Bu esa foydalanuvchilarni soxta va firibgarlik maqsadida yaratilgan ilovalardan himoya qilish, xizmat sifatini oshirish hamda brend egasining huquqlarini kafolatlashga xizmat qiladi.

🔹Shuningdek, tovar belgilariga bo‘lgan huquq ariza topshirilgan sana bilan belgilanadi. Shu bois, o‘z brendingizni himoya qilishni kechiktirmaslik muhim.

❗️Unutmang: tovar belgisi birinchi bo‘lib hujjat topshirgan shaxs yoki tashkilot nomiga rasmiylashtiriladi. Mehnatingiz mahsulini boshqalar o‘zlashtirib olishiga yo‘l qo‘ymang!

📜 Qonunchilikka ko‘ra, tovar belgisi guvohnomasi 10 yil muddatga beriladi hamda uning amal qilish muddati har safar 10 yilga uzaytirilishi mumkin.

🌐 Tovar belgisini ro‘yxatdan o‘tkazish uchun arizani Adliya vazirligining im.adliya.uz portali orqali onlayn topshirishingiz mumkin.

Kanalga ulaning va yangiliklardan xabardor bo‘ling
🚀Telegram | 📷Instagram* | 🔵Facebook* | 📱YouTube | Bot