#rasmiy_munosabat

Ijtimoiy tarmoqlarda xonanda S. Mamadaliyev tomonidan “Ko‘rmishim”, “Bandaman” hamda “Karvon” nomli musiqiy asarlarning ijro etilgani aks etgan videolar tarqaldi.

🔸Mazkur holat yuzasidan ma’lum qilamizki, ushbu asarlarning huquq egalarining roziligisiz ijro etilishi O‘zbekiston Respublikasining “Mualliflik huquqi va turdosh huquqlar to‘g‘risida”gi Qonuni talablariga zid hisoblanadi.

🔹Xususan, Qonunning 19-moddasiga muvofiq muallif asardan har qanday shaklda va usulda foydalanish, jumladan uni omma oldida ijro etish hamda jamoatchilik e’tiboriga yetkazish bo‘yicha mutlaq huquqlarga ega.

🔸Shuningdek, yuridik va jismoniy shaxslar Qonunda nazarda tutilgan ayrim holatlardan tashqari, asarlardan faqat huquq egasi yoki boshqa vakolatli shaxs bilan tuzilgan shartnoma asosida foydalanishlari mumkin.

🔹Asardan daromad olish maqsadida foydalanilganligi yoki undan foydalanish bunday maqsadga qaratilmaganligidan qat’i nazar, bu holat asardan foydalanish deb e’tirof etiladi.

🔸Eslatib o'tamiz, Qonunning 62-moddasiga ko‘ra, huquq egasi yoki mulkiy huquqlarni jamoaviy asosda boshqaruvchi tashkilot bilan shartnoma tuzmasdan asarlarni takrorlash, tarqatish yoki boshqa tarzda foydalanish mualliflik huquqlarining buzilishi hisoblanadi.

❗️Shuningdek, qonunchilikka muvofiq mualliflik huquqlarini buzish fuqarolik, ma’muriy va jinoiy javobgarlikka sabab bo‘ladi.

Telegram | Instagram* | Facebook* | YouTube | Bot