"НО-ШПА" tovar belgisi huquqiy himoya qilindi.

Vazirlik tomonidan Vengriyaning "Opella Healthcare Hungary Kft." kompaniyasiga tegishli "НО-ШПА" tovar belgisini himoya qilish yuzasidan yo‘llagan murojaati ko‘rib chiqildi.

Murojaatni o‘rganish davomida "D.P." MChJ faoliyatida tekshiruv o‘tkazilib, "НO-ШПА" tovar belgisiga adashtirib yuborish darajasida o‘xshash bo‘lgan "ДРО-ШПА" belgili va grafik elementli farmatsevtika mahsulotlari ishlab chiqarilganligi aniqlandi.

Aniqlangan qonun buzilish holati yuzasidan huquqbuzar yuridik shaxsga nisbatan bazaviy hisoblash miqdorining 200 baravari, ya'ni 82,4 mln so‘m jarima qo‘llanildi.

Hurmatli tadbirkorlar! O‘z brendingizni ro‘yxatdan o‘tkazishingizni hamda brendingizdan noqonuniy foydalanish holatlariga duch kelganingizda Adliya vazirligining “1008” ishonch telefoni orqali xabar berishingizni yoki info@adliya.uz elektron pochta manzili orqali murojaat qilishingizni so‘raymiz!

Telegram | Instagram* | Facebook* | YouTube | Bot