📌 Adliya vazirligi hamda Raqamli texnologiyalar vazirligining qo‘shma qarori qabul qilindi.

Mazkur qaror bilan intellektual mulkdan qonunga xilof ravishda foydalanganligi sababli faoliyati cheklangan veb-saytlar to‘g‘risidagi ma’lumotlarni “WIPO Alert” platformasiga kiritish tartibi tasdiqlandi.

🌐 “WIPO Alert” — Butunjahon intellektual mulk tashkiloti platformasi bo‘lib, unga a’zo davlatlar mualliflik huquqi buzilganligi aniqlangan veb-sayt va ilovalar haqidagi ma’lumotlarni yuklaydi.

📊 Ma’lumot uchun:
2024–2025-yillarda 128 ta veb-sayt mualliflik va turdosh huquqlar buzilgani sababli vakolatli organ tomonidan cheklangan.

🎯 Platformaning asosiy vazifasi:
— mualliflik huquqini buzgan saytlar haqida ma’lumotlarni tadbirkorlar va reklama agentliklariga yetkazish;
— “qaroqchi” saytlar orqali reklama joylashtirishning oldini olish;
— tadbirkorlik subyektlari brendi va obro‘sini himoya qilish.

✅ Ushbu tartib intellektual mulk himoyasini kuchaytirish hamda halol raqobat muhitini ta’minlashga xizmat qiladi.

Telegram | Instagram* | Facebook* | YouTube | Bot