Intellektual mulk huquqlarini buzgan shaxs 41 mln. so‘m jarimaga tortildi!

Adliya organlari tomonidan intellektual mulk huquqlarini samarali himoya qilish hamda intellektual mulk huquqlariga hurmat hissini yanada oshirish maqsadida o‘tkazilayotgan o‘rganishlar va qo‘llanilayotgan ta’sir choralarga qaramasdan hamon o‘zgalarning brendidan ruxsatsiz foydalanish holatlari ko‘plab uchramoqda.

Xususan, Vazirlik tomonidan “Puma SE.” (Germaniya) kompaniyasining “PUMA” tovar belgisiga bo‘lgan huquqlari “P.B.” MChJ tomonidan buzilayotganligi to‘g‘risidagi murojaat ko‘rib chiqildi.

O‘tkazilgan tekshiruv natijasida “PUMA” tovar belgisidan foydalangan holda ishlab chiqarilgan kontrafakt mahsulotlar “P.B.” MChJ tomonidan sotuvga taklif etib kelinganligi aniqlandi.

Holat bo‘yicha Vazirlik tomonidan “P.B.” MChJga nisbatan BHMning 100 baravari miqdorida jarima qo‘llanildi hamda “PUMA” tovar belgisiga nisbatan huquqlarni buzuvchi barcha harakatlarning to‘xtatilishi belgilandi.

Hurmatli tadbirkorlar! Oʻz brendingizni roʻyxatdan oʻtkazishingizni hamda brendingizdan noqonuniy foydalanish holatlariga duch kelganingizda Adliya vazirligining “1008” ishonch telefoni orqali xabar berishingizni yoki info@adliya.uz elektron pochta manzili orqali murojaat qilishingizni soʻraymiz!

Telegram | Instagram* | Facebook* | YouTube | Bot