📢 E’LON!

Adliya vazirligi va Butunjahon Intellektual Mulk Tashkiloti (BIMT) hamkorligida joriy yilning 5–6 noyabr kunlari Toshkent shahrida “Ayollar yetakchiligidagi kichik va o‘rta biznes subyektlari uchun intellektual mulkni boshqarish klinikasi” loyihasining yakuniy hisobot tadbiri bo‘lib o‘tadi.

🎯 Tadbirning maqsadi — tadbirkor ayollar o‘rtasida intellektual mulkni muhofaza qilish, undan samarali foydalanish va shaxsiy brendni rivojlantirish madaniyatini keng targ‘ib etishdir.

📚 Tadbir davomida:
✨ Tadbirkor ayollar uchun intellektual mulkni boshqarish klinikasi tajribalari tahlil qilinadi;
🤝 Belarus, Qozog‘iston, Qirg‘iziston va O‘zbekiston vakillari o‘z natijalarini taqdim etadi;
🛍 Tadbirkor ayollarning brend mahsulotlari ko‘rgazmasi tashkil etiladi;
🚀 Intellektual mulkni tadbirkorlikni rivojlantirishda qo‘llash bo‘yicha yangi tashabbuslar ilgari suriladi.

💬 Ushbu tadbir tadbirkor ayollar uchun o‘z brendini yaratish, himoya qilish va xalqaro maydonga olib chiqish yo‘lida muhim platforma bo‘lib xizmat qiladi.

#Ayol #Tadbirkor #Brend #AdliyaVazirligi #BIMT #IntellektualMulk #IPClinics #Toshkent #EmpowerWomen #Innovation #WomenInBusiness

Telegram | Instagram* | Facebook* | YouTube | Bot