30 kunlik sabr. 1 500 000 so‘m yig‘ildi. Endi nima bo‘ladi?

Ramazonning oxirgi kuni. Chellenjimiz yakuniga yetdi. Har kuni 50 ming so‘mdan ajratib, jami 1 mln 500 ming so‘m investitsiya yig‘dik.

Ko‘pchilik uchun bu shunchaki raqam bo‘lib ko‘rinishi mumkin, lekin agar siz ham bu chellenjni qilgan bo’lsangiz, bu irodangizning g‘alabasi. 30 kun davomida miyamizga "Hozirgi mayda xohishingdan ko‘ra, kelajakdagi erkinliging muhimroq", deb buyruq berdik.

Nega bir martani o’zida 1,5 mln so’mni investitsiya qilmadik?
Chunki investitsiyada pulning miqdoridan ko‘ra vaqt va davomiylik muhimroq. Bir martalik investitsiya shunchaki "xarid" degani. 30 kunlik harakat esa "investorlik odati” hisoblanadi. Bizning maqsadimiz ham shu odatni shakllantirish edi.

Ramazon tugadi, chellenj ham. Oldimizda ikkita yo‘l bor:

1. Yechib olish (Mag‘lubiyat yo‘li):
Agar hozir bu pulni yechib olsak, 30 kunlik harakatimiz havoga uchadi. Biz yana o‘sha "topganini sarflaydigan" odamga aylanamiz.

2. Tizimga aylantirish (G‘oliblar yo‘li):
Eng to‘g‘ri yo‘l to‘xtamaslik. Endi biz oyiga ma’lum bir miqdorni doimiy investitsiya qilishga o‘tamiz. Birinchi bosqich 6 oy.

Nima uchun yana 6 oy?
Chunki 30 kunda faqat poydevor qo‘yildi. Haqiqiy investitsiya odati va biznesdan keladigan barakali foydani his qilish uchun vaqt kerak.

Boy va kambag‘al mentaliteti o‘rtasidagi farq ham shunda:
– Kambag‘al odamlar pul yig‘ib, narsa (passiv) sotib oladi.
– Boy odamlar pul yig‘ib, vaqt (erkinlik) sotib oladi.

Biz hozir buyum sotib olishni emas, kelajakdagi erkinligimizni sotib olishni tanladik.