Vengriyada hokimiyat almashmoqda: Orban mag‘lubiyatni tan oldi

Vengriya bosh vaziri Viktor Orban mamlakatda bo‘lib o‘tgan parlament saylovlarida mag‘lub bo‘lganini tan oldi.

“Nima bo‘lishidan qat’i nazar, hatto muxolifatda bo‘lsak ham, mamlakatga xizmat qilamiz”, — dedi u 12 aprel, yakshanba kuni kechqurun Budapeshtda o‘z tarafdorlari oldida so‘zlaganida.

Saylov komissiyasi ma’lumotiga ko‘ra, saylov uchastkalarining 84,91 foizida ovozlar sanab bo‘linganidan keyin, muxolifat yetakchisi Peter Madyar va uning o‘ng-markazchi “Tisa” partiyasi 199 o‘rinli yangi parlamentda 138 ta mandat olishi mumkin. Bu esa parlamentdagi o‘rinlarning uchdan ikki qismidan ko‘prog‘ini anglatadi.

Telegram | Instagram | Facebook | YouTube | Website