Poytaxtdagi uch bozorning ayrim bloklari vaqtincha yopildi

8 aprel kuni Toshkent shahar Favqulodda vaziyatlar bosh boshqarmasi xodimlari tomonidan poytaxtdagi uchta bozorda rejali tekshiruvlar o‘tkazildi. Jumladan, Yashnobod tumanidagi “Aviasozlar” dehqon bozori, Shayxontohur tumanidagi dehqon bozori hamda Chilonzor tumanidagi buyum bozori ko‘zdan kechirildi.

Tekshiruvlar davomida mazkur bozorlarning ayrim hududlarida yong‘in xavfsizligi qoidalarining qo‘pol ravishda buzilganligi aniqlandi.

Shu munosabat bilan, aniqlangan kamchiliklar bartaraf etilgunga qadar bozorlarning ayrim bloklari tegishli hujjatlar asosida vaqtinchalik yopildi.

Telegram | Instagram | Facebook | YouTube | Website