80 mln so‘m talab qilgan bozor rahbari ushlandi

Davlat xavfsizlik xizmati hamda Iqtisodiy jinoyatlarga qarshi kurashish departamenti xodimlari hamkorligida o‘tkazilgan tezkor tadbirda Dehqonobod tumanidagi bozorlardan biri rahbarining noqonuniy harakati fosh etildi.

Ma’lum bo‘lishicha, u o‘z xizmat mavqeidan foydalanib, tadbirkorlik faoliyatini boshlamoqchi bo‘lgan fuqaroga bozor hududida joylashgan, ammo tegishli hujjatlari rasmiylashtirilmagan savdo do‘konini sotishni taklif qilgan. Shuningdek, keyinchalik ushbu do‘konni uning nomiga rasmiylashtirib berishini va’da qilib, bu “xizmat” evaziga 80 mln so‘m talab qilgan.

Telegram | Instagram | Facebook | YouTube | Website