Har bir sohada boʻlgani kabi tomorqachilikda ham ilm-fan, tajriba va innovatsiyaga tayanib, olib borilayotgan islohotlar yerdan unumli foydalanish, hosildorlikni oshirib, yuqori daromad olish, umuman, bu yoʻnalishni ham yangi bosqichga olib chiqish imkonini bermoqda.

Bu saʼy-harakatlar natijasida tomorqa, issiqxonalarda turli sabzavot va poliz ekinlarini yetishtirish oʻzini oqlab ulgurdi. Galdagi navbat –bogʻdorchilikda iqlim sharoitiga mos, serhosil va eksportbop, asosiysi, talab yuqori mahsulotlar yetishtirish.

Mirzaobod tumanining “Dehqonobod” mahallasida oʻtkazilgan amaliy seminar ayni shu maqsadga yoʻnaltirildi.