Оралда автокөлік өртеніп, 16 жастағы жасөспірім күйік жарақатын алды

Орал қаласында «Аяжан» сауда үйі жанында «Лада Гранта» автокөлігі отқа оранды.

Салдарынан жалын екінші автокөлікті шарпыған. Тұрғындардың сөзіне қарағанда, жасөспірім «Лада Грантадан» шығып үлгеріп, аман қалған.

БҚО ТЖД баспасөз қызметінен мәлім еткеніндей, оқиға 10 сәуір күні кешкісін болып, екі жеңіл автокөлік өртенді.

- Оқиға орнында «Лада Гранта» автокөлігінде болған 2010 жылғы жасөпірім 9 пайыз күйік жарақатын алды. Ол облыстық көпбейінді балалар ауруханасына жатқызылды. Өрт толықтай сөндірілді, - деп хабарлады ведомстводан.

@qazaqparat_kz