Imom Al-Buxoriyga buvim va mahalladagi ayollar bilan 7 yoshimda borganman ilk marta. Jizzax shahridagi Hamid Olimjon mahallasidan katta yam-yashil avtobusga chiqib, yo’l bo’yi oppoq ro’mol o’ragan ayollarni tomosha qilganim haligacha yodimda. Majmuaga kelganimizda buvim “katta orzular qilgin, yaxshi niyatlar bilan kir bu yerga”, deb qayta-qayta aytganlar o’shanda.

Kecha umrimda ikkinchi marta, endi prezidentimizning fotografi sifatida shu yerga kirdim. Oradan shuncha yil o’tdi. Ulg’aydim, o’qidim, o’zgardim, ammo kecha bir lahzaga bo’lsa ham o’sha 7 yoshli qizaloqqa aylandim. O’sha avtobusdagi safarimiz ko’z oldimga keldi.

Ko’rkam, salobatli va nihoyatda go’zal dargoh muborak bo’lsin hammamizga