🔸لە ڕۆژانی ڕابردوودا و دوابەدوای بۆردومانکردنی ناوەندە سەربازی-ئەمنییەکانی ورمێ، هێزەکانی نەوپوو (هێزە تایبەتەکانی پارێزوانی ویلایەت) لە ناو زیندانی ناوەندیی ورمێ و بەندێکی زیندانەکەدا بە ناوی بەندی «تەلاش» جێگیر کراون.

🔸بنەماڵەی ژمارەیەک لە بەندکراوانی زیندانەکە لە وتووێژ لەگەڵ تۆڕی مافەکانی مرۆڤی کوردستاندا وێڕای دەربڕینی نیگەرانی لە بارودۆخی بەندکراوان، ڕایانگەیاند کە لە چەند ڕۆژی ڕابردوودا و بە فەرمانی دامودەزگا ئەمنییەکان، «بەندی تەلاش»ی زیندانی ناوەندیی ورمێ کە شوێنی مانەوەی ئەو بەندکراوانە بوو کە لە ناو زیندان کاریان دەکرد یان مۆڵەتی «بڕیاری کراوە»یان پێ درابوو، چۆڵ کراوە و دەیان ئەندامی هێزەکانی نەوپوو لەم بەندە و لە بەشەکانی تری ناو زیندانەکەدا جێگیر کراون. بە وتەی ئەو بنەماڵانە، جێگیرکردنی هێزە چەکدارەکان بووەتە هۆی ترس و تۆقینی بەندکراوان و بە بنەماڵەکانیان ڕاگەیاندووە کە مەترسیی گەورە لەسەر ژیانیان دروست بووە، چونکوو کۆماری ئیسلامی دەیهەوێ وەکوو قەڵغانی مرۆیی بە کاریان بهێنێت.

🔗 https://kurdistanhumanrights.org/ku/war-human-rights-updates-ku#bn-item-47545

@KurdistanHRN