�� Биылғы трансфер нарығы мен үшін біраз сабақ үйретті. Шетелдік бір футболшыда кем дегенде 4-5 агент болады екен. Оның жартысы ортадағы делдал. Болгарияда ойнайтын африкалық футболшының агентін түбі аршып алып, іздеп таптық, сүйтсек ол Лондонда тұратын ағылшын азаматы болып шықты. Делдалдар үстіне 2-3 мың долларын қосып, сауданы қыздырып отыра береді.

��️ Қазақстанда адамдар өздерін агентпін деп айтпауға тырысады. Иә, таза осы саланы таңдағандар да жоқ емес. Алайда, қосымша жұмыс атқарып, клуб ішінде спорт директоры, клуб директоры болып жүрген кісілер ауызша әңгімемен агенттердің шаруасын атқарады. Себебі, елімізде сапалы агент жоқ. Қазақстандық футболшылардың шет елдік лигаларға ауыса бермейтінінің де себебі сонда.

�� Өз қалтаңды ғана ойламай, футболшының бағын ашып, ағылшынша сөйлеп, шетелмен келіссөз жүргізіп қазақтың бір баласын Бундеслига мен А сериясына өткізіп жіберсең қазақ футболына зор үлес қосқан патриотсың. Абыройлы агентсің. Қазақ футболы осындай адамға дәл қазір қатты мұқтаж.

@kommentator_maulen