Қазақстан мен БАӘ сот әкімшілігі саласындағы ынтымақтастықты нығайтуда
 
▪️ Қазақстан Республикасы Сот әкімшілігінің басшысы Наиль Ахметзакиров Біріккен Араб Әмірлігі Сот әкімшілігінің департаменті төрағасының орынбасары, сот кеңесшісі Юсеф Саид Әл-Абри бастаған БАӘ Сот әкімшілігі делегациясымен кездесу өткізді.

▪️ Кездесу барысында сот әкімшілігін жетілдіру, соттар қызметінің тиімділігін арттыру, сот жүйесін цифрлық трансформациялау, екіжақты ынтымақтастықты дамыту және озық практикамен алмасу келешегінің мәселелері талқыланды.

▪️ БАӘ делегациясының құрамында Абу-Дабидің Бас прокуроры Али Әл-Блоши, Сот қадағалауы басқармасының басшысы Али         Әл-Шаер, Түзету және оңалту орталықтары секторының атқарушы директоры Фейсал Әл-Хаммади және Стратегиялық жоспарлау мен институционалдық даму жөніндегі директор Абдулла Саиф болды.

▪️Қазақстан тарапынан кездесуге Қазақстан Республикасының Сот әкімшілігі Басшысының орынбасарлары Жантемір Шакиев пен Асылбек Мүсірәлінов, сондай-ақ Сот әкімшілігі Астана қаласы бойынша департаментінің басшысы Елдос Жұмақсанов қатысты.

▪️ Кездесуді аша келіп, Наиль Ахметзакиров Қазақстан мен БАӘ сот жүйелері арасындағы өзара іс-қимылдың үдемелі дамуын атап өтіп, Дубай мен Астанада өткен екі елдің жоғары сот органдары басшыларының кездесулері екіжақты ынтымақтастықты дамытуға жаңа серпін бергеніне тоқталды.
https://t.me/Jogargy_sot/5819
https://t.me/Jogargy_sot/5510

▪️ Сот әкімшілігінің басшысы сот төрелігіне қолжетімділікті кеңейтуге, сот арқылы қорғалудың тиімділігін арттыруға, соттар мен судьялардың тәуелсіздігін нығайтуға, сондай-ақ цифрлық технологияларды одан әрі дамытуға бағытталған Қазақстан сот жүйесі реформаларының негізгі бағыттарымен таныстырды.

▪️Қонақтарға Қазақстанның сот жүйесінде енгізілген заманауи цифрлық шешімдер, оның ішінде аумақтан тыс соттылық, зияткерлік сервистер, ЖИ-ді қолдану және сот процестерін роботтандыру көрсетілді.

▪️ Өз кезегінде Юсеф Саид Әл-Абри сот жүйелерінде жасанды интеллектті қолдану жөніндегі Еуропалық әдеп хартиясы қағидаттарын сақтаудың маңыздылығын атап өтті.

▪️ Ол мамандандырылған соттардың жұмысын ұйымдастыру және сот инфрақұрылымын дамыту бойынша Қазақстан Республикасының тәжірибесін зерделеуге қызығушылық білдірді.

▪️ Тараптар кәсіби ынтымақтастықты одан әрі дамытуға, тәжірибе алмасуға және сотты әкімшіліктендіру саласында үздік тәжірибелерді енгізуге дайын екендіктерін растады.

▪️Сол күні БАӘ делегациясы Астана қаласының мамандандырылған қылмыстық, экономикалық және ювенальдық соттарына барып, олардың жұмыс ерекшеліктерімен, сот қызметін ұйымдастырумен және сот төрелігін жүзеге асыру кезінде қолданылатын заманауи цифрлық шешімдермен танысты.