Болалар билан қилиш керак бўлган энг муҳим ишлардан бири улар билан гаплашишдир. Афсуски, биз эркаклар бунга доим ҳам эътибор қилмаймиз ёки имкон топмаймиз.

Кун давомида болалар онаси билан гаплашади ҳар ҳолда. Аммо биз билан ҳам суҳбатлашгиси, куни қандай ўтгани ҳақида гапиргиси, эртанги режаларини айтгиси келади.

Биз эса ишдан чарчаб бориб, "Бироз жим ўтиринглар!" деймиз ёки машинада сайрга чиқиб ухлатиб қўямиз.

Ҳаёт шу тарзда давом этаверса, эркаклар болалари, оиласига фақат картадан пул ўтказиб берадиган кишига айланиб қолиши мумкин. Бунинг олдини олиш учун уларга вақт ажратишимиз керак.

Ҳеч бўлмаса, ҳафтада бир кунни оилага, бир ойда бир марта битта фарзандимизга вақт ажратишимиз керак. Яъни унинг ўзи билан ёлғиз чиқиб, телефонни "улоқтирган" ҳолда хоҳлаган ишини қиласиз...

#тарбия #ота

@GiyosiddinYusuf

Бу мавзуни болаларга ўргатиш керакми?

#Ижод

@GiyosiddinYusuf

Болани меҳрга «тўйинтиринг»

Фарзандингиз билан шунчаки бир уйда яшаманг, унинг ҳаётида бор бўлинг. Таассуротларингиз билан бўлишинг, бирга қилиш мумкин бўлган ҳар бир ишни у билан бажаришга вақт топинг.

Энг муҳими, уни эшитишни ўрганинг. Болани эркалатиш дегани унинг ҳар бир инжиқлигига «хўп» дейиш эмас. Унга эркинлик бериш, аммо меъёрни ҳам тушунтиришдир. Шундагина у мустақил бўлишни ва ўз қарорлари учун жавоб беришни ўрганади.

Фарзанд — уйимизнинг қувончи. Уни яхши кўришдан, кўнглини олишдан чарчаманг. Фақат бир нарса ёдда турсин: бизнинг ҳар бир гапимиз, ҳар бир муносабатимиз унинг эртанги бахтини қурадиган ғиштдир.

#тарбия

@GiyosiddinYusuf

"G‘aroyib sinov"ga tayyormisiz?

Yozuvchi Otabek Quvvatning qalamiga mansub "G‘aroyib sinov" kitobi elektron holda Mutolaa ilovasiga yuklandi. Kitobning o'zi ayni kunlarda chop qilinmoqda.

Ushbu kitobda Shodivoy ismli bolaning hayotda to'g'ri yo'lni topguncha boshdan kechirgan g'aroyib sinovlari hikoya qilingan. 7+ bolalar uchun mo'ljallangan, tarbiyaviy ahamiyatga ega kitob.

#Yangilik

Mutolaa ilovasini yuklab oling | "G‘aroyib sinov" kitobi

Болалар тилидан бахтли бўлиш қоидалари:

Хато қилмайдиган, идеал одамдек кўринишга уринманг. Барибир ундай эмаслигингни билиб қолсам, қаттиқ хафа бўламан.

Мендан кечирим сўрашни ўзингизга эп кўрмай қолманг. Агар ноҳақ бўлганингизда узр сўрасангиз, мен ҳам хато қилганда шундай йўл тутишни ўрганаман.

Менинг тез ўсаётганимни унутманг. Менга бўлган муносабатингизни ҳам тез-тез ўзгартириб туришингизга тўғри келади.

Янгиликларни синаб кўришимга тақиқ қўйманг. Тажрибасиз ривожлана олмайман.

Ва энг охиргиси: агар уйда мени жуда-жуда қаттиқ яхши кўришмаса, бахтли инсон бўлиб улғая олмайман. Лекин сиз буни ўзингиз ҳам яхши биласиз!

#тарбия #таржима

@GiyosiddinYusuf

Фарзандингиз ютуқларини, муваффақиятларини сизга фахр билан сўзлаб бериши ажойиб ҳолат. Буни ҳамма ота-она хоҳлайди.

Лекин бундан ҳам муҳимроқ бир нарса бор: бола бошига тушган кўнгилсизлик ва муаммолар ҳақида сизга қўрқмай гапира олиши. Одам боласи бошига иш тушганда, омадсизликка учраганда кимгадир ёрилишни, тингланишни ва далда олишни истайди — бу табиий эҳтиёж.

Бола ҳаётда ҳар хил вазиятлар бўлишини, хато қилиш ёки маҳзунликка тушиш уятли иш эмаслигини тушуниши керак. Энг муҳими, у шундай пайтларда «ота-онам мени барибир тушунади, қўллаб-қувватлайди» деган хотиржамлик билан кела олишидир.

#тарбия #ишонч #таржима

@GiyosiddinYusuf

Farzandingiz uchun eng muhim TOP kitoblar 🫂

🧸Bolalar adabiyotiga doir bir qancha kitoblar muallifi G‘iyosiddin Yusufning ushbu asarlari farzandingizning shaxs bo‘lib yetishishida, dunyoqarashi kengayishida, odob-axloq saboqlarini o‘zlashtirishiga katta yordam beradi:

• "Lider bola" — 49.000 so‘m;
• "Bola va pul" — 49.000 so‘m;
• "Bolamni yaxshi ko‘raman" — 16.000 so‘m;
• "Ota-onamni yaxshi ko‘raman" — 26.000 so‘m;
• "Vaqt mashinasi" — 24.000 so‘m;
• "Kundalik odoblar" — 20.000 so‘m;
• "Sevdirib tarbiyalang" — 39.000 so‘m;
• "Go‘zal xulqlar" — 29.000 so‘m.

🤝 Qolaversa, bu ro‘yxatda ota-onalar o‘qishi lozim bo‘lgan kitoblar ham bor.

📌 Manzillar:
• Alisher Navoiy 42. Mo‘ljal: Chorsu, Sobiq Gum ro‘parasi.
• Seoul Mun koʻngilochar savdo markazi, 1-qavat. Moʻljal: "Costa coffee" yonida.

@qamarbooks

Тадбир жуда зўр ўтди, алҳамдулиллаҳ.

Ташкилотчилар, дўсту устозлар ҳамда меҳмонларга раҳмат.

Сиз тадбирда иштирок этдингизми?

@GiyosiddinYusuf

Фарзандингизни лидерликка ундайдиган ва молиявий саводини оширадиган китоб истайсизми?

Ғиёсиддин Юсуф

Эслатиб ўтамиз, эртага Намангандаги дўконимизда ушбу китоблар тақдимоти бўлиб ўтади.

@hilolnashr

Namanganda kim bor?

19-aprel (yakshanba) kuni, 11:00 da shahringizdagi "Hilol Nashr" do'konida mehmon bo'lamiz.

"Lider bola" hamda "Bola va pul" kitoblarining taqdimoti munosabati bilan suhbatlashib, imzo kuni tashkil qilinadi.

Mehmonlar: G‘iyosiddin Yusuf hamda O‘tkirbek Muhammad Sobir

Manzil: Namangan shahri, Uychi ko'chasi, 345 A- uy

Taqdimotda ko‘rishguncha!

@Tarbiyachi_nashr

Биз боланинг қўлига китоб берганимизда ёки уни бирор тўгаракка олиб борганимиздагина «ўқияпти» деб ўйлаймиз. Аслида эса бола миясида «таътил» деган тушунча йўқ. У уйғоқ экан, ҳар сонияда атрофдаги оламни ўрганиб боради. Ҳатто шунчаки ўтириши, кулиши ёки қадам ташлаши ҳам болаликдаги улкан ва мураккаб ривожланиш натижаси.

Энг қизиғи, инсон мияси ўз-ўзидан ёки фақат китоб билан ривожланиб қолмайди. Бунинг учун жонли мулоқот ва меҳр керак. Кўпинча онанинг боласини қўлида оҳиста тебратиши ёки отанинг уни тиззасига қўйиб эркалаши шунчаки «дам олиш»дек туюлади. Лекин айнан шу лаҳзаларда бола миясида энг муҳим жараёнлар кетаётган бўлади. Илмий тилда айтганда, нейронлар ўртасидаги алоқалар мана шу меҳрли нигоҳлар ва ширин сўзлар орқали қурилади.

Кундалик ҳаётдаги оддий меҳр, оиладаги илиқ муҳит — бола учун дунёдаги энг зўр ўқув қўлланмаси. Буни нафақат психологлар, балки нейробиологлар ҳам ҳужайра даражасида исботлаб беришган. Шунинг учун боланинг ёнида меҳр билан ўтказилган ҳар бир дақиқангизни шунчаки вақт ўтказиш деб ҳисобламанг. Бу фарзандингиз келажаги учун қўйилаётган энг мустаҳкам пойдевордир.

#тарбия

@GiyosiddinYusuf