O‘zbekona qadriyatlar — millat ko‘zgusi

Kattaga hurmat, kichikka izzat.
Mehmonga ehtirom, qo‘ni-qo‘shniga oqibat.
Bir og‘iz shirin so‘z, samimiy tabassum, o‘zgalarga yaxshilik qilish...

Bular oddiy muomala emas. Bu — o‘zbekona tarbiya, milliy o‘zligimiz va avloddan-avlodga o‘tib kelayotgan bebaho qadriyatlarimiz.

Zamon o‘zgaradi, dunyo o‘zgaradi. Ammo mehr-oqibat, odob va insoniylik bizni millat sifatida birlashtirib turadi.

Bizning eng katta boyligimiz — o‘zbekona qadriyatlarimizdir.

Telegram Instagram*

Gretsiyaning “Mir i Omonia” xalqaro nashrida “Сияние, исходящее из Афин: Министр культуры Узбекистана о визите в Грецию” nomli maqola e’lon qilindi.

Maqolani o'qish

Telegram Instagram*

Fuqarolar qabulida madaniyat va san’at sohasiga oid murojaatlarni tinglar ekanmiz, ijtimoiy tarmoqlarning bugungi holati haqida ham fikr almashdik

Afsuski, bugun ijtimoiy tarmoqlarda ziyolilar, ilm egalari emas, ko‘proq bachkana videolarni targ‘ib qilayotgan ijtimoiy tarmoq faollari yetakchilik qilmoqda. Natijada xalqimiz, ayniqsa yoshlar, shunday kontentni ko‘rishga majbur bo‘lyapti.

Men ishonamanki, ilm egalari, adabiyot namoyandalari, san’atkorlar va butun ziyoli qatlam ijtimoiy tarmoqlarda faol bo‘lib, mazmunli va tarbiyaviy ahamiyatga ega kontent yaratmas ekan, bu bo‘shliqni bachkana va sayoz kontent egallashda davom etadi.

Shuning uchun barchamiz birlashib, ijtimoiy tarmoqlar orqali xalqimizning qalbi va ongiga ma’rifat, milliy qadriyatlar hamda ezgu g‘oyalarni olib kirishimiz kerak.

Bu bugunning eng muhim vazifalaridan biridir.

Telegram Instagram*

Mohira Asadova: 50 yildan buyon shu sohada yurib bunaqa sharoitlarni endi ko'ryapmiz...

Xonanda Mohira Asadova bilan bo'lib o'tgan muloqotimiz davomida Prezident Shavkat Mirziyoyev tomonidan madaniyat va san'at sohasiga berilayotgan e'tibordan minnatdor ekanligini bildirdi.

Batafsil videoda

Telegram Instagram*

Fuqarolar murojaatlari — e'tibor markazimizda

Bugun fuqarolar qabuli doirasida 13 nafar fuqaroning murojaatlari, taklif va tashabbuslarini tingladim.

Har bir murojaat atroflicha ko‘rib chiqildi hamda ularni qonunchilikda belgilangan tartibda hal etish yuzasidan tegishli mutasaddilarga zarur topshiriqlar berdim.

Telegram Instagram*

Tinchligimiz va osoyishtaligimiz posbonlari

4-avgust — O‘zbekiston Respublikasi Milliy gvardiyasi tashkil etilgan kun.

Milliy gvardiya yurtimiz tinchligi, jamoat xavfsizligi va fuqarolar osoyishtaligini ta'minlashda muhim o‘rin tutadi.

Telegram Instagram*

O‘zbekiston Respublikasi Milliy gvardiyasi tashkil etilgan kun munosabati bilan o‘tkazilgan tadbirda ishtirok etdik.

Milliy gvardiya safida Vatanimiz tinchligi va xalqimiz osoyishtaligi yo‘lida fidoyilik bilan xizmat qilayotgan barcha xodimlarni yana bir bor tabriklayman.

Telegram Instagram*

4-avgust — O‘zbekiston Respublikasi Milliy gvardiyasi tashkil etilgan kun munosabati bilan o‘tkazilgan tadbirda ishtirok etdim

Milliy gvardiya safida yurtimiz tinchligi, xalqimiz osoyishtaligi va jamoat xavfsizligini ta’minlash yo‘lida fidoyilik bilan xizmat qilayotgan barcha xodimlarni ushbu sana bilan tabriklayman.

Tadbir davomida Milliy gvardiya hamda madaniyat va san’at sohalari o‘rtasidagi hamkorlikni rivojlantirishga qo‘shgan hissamiz munosabati bilan O‘zbekiston Respublikasi Milliy gvardiyasining ko‘krak nishoni bilan taqdirlandim. Ushbu e’tirofni madaniyat va san’at sohasida faoliyat yuritayotgan barcha fidoyi ijodkorlarimiz mehnatiga berilgan yuksak baho sifatida qabul qilaman.

Milliy qadriyatlarimizni asrash, yoshlarni Vatanga muhabbat va sadoqat ruhida tarbiyalash hamda jamiyatimizda ma’naviy muhitni yanada mustahkamlash yo‘lida o‘zaro hamkorligimiz izchil davom etadi.

Telegram Instagram*

Davlatlarning chegarasi bo‘ladi, ammo madaniyatning chegarasi bo‘lmaydi

Qirg‘izistonda o‘tkazilgan "O‘zbekiston madaniyati kunlari" yuzasidan tahliliy fikrlar bilan videoda tanishing.

Davlatlarni shartnomalar yaqinlashtiradi, iqtisodiy manfaatlar birlashtiradi.

Ammo xalqlarni qardosh qiladigan kuch — madaniyatdir.

Telegram Instagram*