📢 TALABALAR DIQQATIGA!
Abu Ali ibn Sino nomidagi Buxoro davlat tibbiyot instituti hamda Germaniyaning Lyubek universiteti va Shlezvig-Golshteyn universitet klinikasi (UKSH) vakillari ishtirokida onlayn ma’ruzalar tashkil etiladi.
📅 11-avgust, 2026-yil
🕙 10:00
Mavzu: University of Lübeck and University Medical Center Schleswig-Holstein (UKSH)
🎙 Ma’ruzachi: Prof. Ulrich Friedrich Wellner
🕝 14:30
Mavzu: Structure of Preclinical Subjects at German Medical Universities
🎙 Ma’ruzachi: Linus Keck
🔗 Zoom konferensiyasiga ulanish
🆔 Konferensiya identifikatori: 942 7715 7701
🔑 Kirish kodi: 12345
━━━━━━━━━━━━━━
📅 12-avgust, 2026-yil
🕙 10:00
Mavzu: Pancreatic Surgery and Pancreatic Carcinoma
🎙 Ma’ruzachi: Prof. Ulrich Friedrich Wellner
🕝 14:30
Mavzu: Medical Education in Germany and Student Life
🎙 Ma’ruzachi: Maxim Riedesser
🔗 Zoom konferensiyasiga ulanish
🆔 Konferensiya identifikatori: 983 1051 7675
🔑 Kirish kodi: 12345
━━━━━━━━━━━━━━
📅 13-avgust, 2026-yil
🕙 10:00
Mavzu: Kidney Transplantation in Germany
🎙 Ma’ruzachi: Dr. Hryhoriy Lapshyn
🔗 Zoom konferensiyasiga ulanish
🆔 Konferensiya identifikatori: 958 1920 6278
🔑 Kirish kodi: 12345
⏰ Barcha vaqtlar O‘zbekiston vaqti bilan ko‘rsatilgan.
Institutimizning barcha talabalari ushbu ilmiy-ma’rifiy onlayn ma’ruzalarda faol ishtirok etishga taklif etiladi!

E’LON

2026-yil 13-avgust kuni Jondor tumani Oytug‘di MFY, Juyisafed qishlog‘idagi 17-oilaviy poliklinikada navbatdagi chuqurlashtirilgan tibbiy ko‘rik hamda Abu Ali ibn Sino nomidagi Buxoro davlat tibbiyot instituti rektori Shuhrat Jumayevich Teshayevning sayyor qabuli bo‘lib o‘tadi.

Unda fuqarolar o‘z salomatligini tekshirtirish, ijtimoiy muammolari, taklif va fikr-mulohazalari yuzasidan murojaat qilishlari mumkin.
Hurmatli fuqarolar! Sizni ushbu imkoniyatdan foydalanib, tibbiy ko‘rikdan o‘tish hamda murojaatlaringiz bilan sayyor qabulda faol ishtirok etishga chorlaymiz!

⏰ Boshlanish vaqti: 08:30
📍 Manzil: Jondor tumani Oytug‘di MFY, Juyisafed qishlog‘i, 17-oilaviy poliklinika

#Xalqaro_hamkorlik
#Germaniya_Buxoro
Germaniyaning Lyubek universiteti delegatsiyasi Buxoro davlat tibbiyot institutida

Bugun, 10-avgust kuni Abu Ali ibn Sino nomidagi Buxoro davlat tibbiyot institutiga Germaniyaning Lyubek universiteti delegatsiyasi tashrif buyurdi.

Delegatsiya tarkibidan Lyubek universitetining jarrohlik yo‘nalishi mutaxassislari Hryhoriy Lapshyn va professor Ulrich Friedrich Wellner, shuningdek, tibbiyot talabalari Maxim Riedesser hamda Linus Keck o‘rin olgan.

Tashrif davomida xorijiy mehmonlar institut rahbariyati, tegishli kafedralar va klinik bo‘limlar faoliyati bilan tanishdi. Tomonlar akademik almashinuv, klinik amaliyot, professor-o‘qituvchilar va talabalar mobilligi hamda qo‘shma ilmiy-amaliy loyihalarni amalga oshirish masalalarini muhokama qildi.

Institut rektori bilan uchrashuv chog‘ida tomonlar o‘rtasida hamkorlik memorandumi imzolandi. Hujjat doirasida jarrohlik sohasida qo‘shma loyihalarni amalga oshirish, ilmiy tadqiqotlar va dissertatsiya himoyalarida hamkorlik qilish, qo‘shma ta’lim dasturlarini yo‘lga qo‘yish, shuningdek, professor-o‘qituvchilar va talabalar akademik mobilligini rivojlantirish bo‘yicha kelishuvlarga erishildi.

Xorijiy mehmonlar institutning muzeyi, Axborot-resurs markazi, Simulyatsiya markazi va klinikasi faoliyati bilan yaqindan tanishdi. Ularga ta’lim jarayoni, klinik amaliyot hamda zamonaviy tibbiy texnologiyalardan foydalanish imkoniyatlari haqida ma’lumot berildi.

Mehmonlar institutda yaratilgan shart-sharoitlar, ta’lim va klinik jarayonlarni tashkil etish darajasiga yuqori baho berdi.

Shuningdek, Germaniya delegatsiyasi a’zolari institut muzeyining Faxriy mehmonlar kitobiga o‘z tilak va taassurotlarini yozib qoldirdi.

Mazkur tashrif Buxoro davlat tibbiyot instituti va Lyubek universiteti o‘rtasidagi hamkorlikni yangi bosqichga olib chiqib, tibbiy ta’lim, jarrohlik, ilmiy tadqiqotlar va qo‘shma ta’lim dasturlari bo‘yicha yangi loyihalarni amalga oshirishga xizmat qiladi.

Abu Ali Ibn Sino nomidagi Buxoro davlat tibbiyot instituti axborot xizmati  
  
Telegram Facebook*
You tube www.bsmi.uz

“35 000 tashabbus” — Mustaqillikning 35 yilligiga bagʻishlangan mega loyihaga start berildi!

Oʻzbekiston Respublikasi Mustaqilligining 35 yilligi munosabati bilan Yoshlarning innovatsion tashabbuslarini qoʻllab-quvvatlash ofisi tomonidan “35 000 tashabbus” umummilliy loyihasi yoʻlga qoʻyildi.

Siz ham yurtimiz rivojiga oʻz hissangizni qoʻshmoqchimisiz?

Unda jamiyat va davlat taraqqiyotiga xizmat qiladigan innovatsion gʻoya yoki tashabbusingizni taqdim eting.

Taʼlim, fan, texnologiya, ekologiya, tadbirkorlik, madaniyat yoki boshqa istalgan yoʻnalishdagi har bir foydali tashabbus muhim.

Tashabbusingizni yuboring: tashabbus.yito.uz⁠

Tashabbuslar 1-avgustdan 31-avgustgacha qabul qilinadi

Katta oʻzgarishlar bitta tashabbusdan boshlanadi. Sizning gʻoyangiz esa Yangi Oʻzbekiston taraqqiyotining navbatdagi qadami boʻlishi mumkin.

Telegram | Instagram*

📢 TALABA-YOSHLAR DIQQATIGA!
🇺🇿 “35 000 TASHABBUS” DASTURIDA FAOL ISHTIROK ETING!
O‘zbekiston Respublikasi mustaqilligining 35 yilligi munosabati bilan talaba-yoshlarning tashabbuslarini qo‘llab-quvvatlash, ularning ijtimoiy faolligini oshirish hamda yangi g‘oya va loyihalarini ilgari surish maqsadida “35 000 tashabbus” dasturi amalga oshirilmoqda.
Dastur doirasida oliy ta’lim tashkilotlari talaba-yoshlarining tashabbuskorligi, ijodkorligi va amaliy g‘oyalarini namoyon etishi, shuningdek, xorijda ta’lim olish va o‘z loyihalarini taqdim etish imkoniyatlaridan foydalanishi ko‘zda tutilgan.
🎓 Buxoro davlat tibbiyot instituti talaba-yoshlarini mazkur dasturda faol ishtirok etishga chorlaydi!
📌 ISHTIROK ETISH UCHUN:
🔹 tashabbus.yito.uz platformasiga kiring;
🔹 platformada ro‘yxatdan o‘ting;
🔹 o‘zingizni qiziqtirgan imkoniyatlar va tashabbuslar bilan tanishing;
🔹 o‘z g‘oya va tashabbuslaringizni rivojlantirish hamda ularni amalga oshirish uchun yaratilayotgan imkoniyatlardan foydalaning.
💡 Sizda yangi g‘oya bormi? Uni ilgari surish va amalga oshirish uchun imkoniyatdan foydalaning!
🌟 Har bir tashabbus — yangi imkoniyat, har bir g‘oya — kelajak sari qadam!
Buxoro davlat tibbiyot instituti barcha talaba-yoshlarni “35 000 tashabbus” dasturida faol ishtirok etishga chorlaydi!
🔗 Ro‘yxatdan o‘tish:
tashabbus.yito.uz
#35000Tashabbus
#BuxoroDavlatTibbiyotInstituti
#TalabaYoshlar
#YoshlarTashabbusi
#Innovatsiya
#YangiGoya

Abituriyentlar diqqatiga!

Bu yilgi natijalardan ko‘nglingiz to‘lmadimi?

Xafa bo‘lishga shoshilmang!
Sizda hali xalqaro darajadagi malakali shifokor bo‘lish imkoniyati bor.
Abu Ali ibn Sino nomidagi Buxoro davlat tibbiyot instituti hamda **Rossiya Xalqlar do‘stligi universitetining qo‘shma ta’lim dasturiga qabul davom etmoqda.

Xalqaro reytingida dunyoning TOP-400 talik nufuzli universitetlari qatoridan o‘rin olgan mazkur oliygoh bilan tahsil olib:
✅ Qo‘shaloq diplom sohibi bo‘lasiz;
✅ Xalqaro standartlar asosida ta’lim olasiz;
✅ Kelajakda xorijda o‘qish va faoliyat yuritish imkoniyatiga ega bo‘lasiz.
⏳ Qabul davom etmoqda!

🌟 Nufuzli universitet. Qo‘shaloq diplom. Xalqaro kelajak sizni kutmoqda!

📞 Murojaat uchun: +998914440334
🌐 https://sop.bsmi.uz

#yurtim_qadriyatlari2026 #final

“Yurtim qadriyatlari–2026” final: Buxoro davlat tibbiyot instituti jamoasi

“Yurtim qadriyatlari” tanlovining respublika finalida Buxoro davlat tibbiyot instituti jamoasi yuksak badiiy saviya, sahna madaniyati va milliy qadriyatlarimizni o‘ziga xos tarzda talqin etgani uchun munosib e’tirof etilib, 1-o‘rinni egallagandi. Quyida g‘olib jamoaning final bosqichida namoyish etgan sahna chiqishini e’tiboringizga havola etamiz.

https://youtu.be/nEtb2F9s560
https://youtu.be/nEtb2F9s560

Qadriyatlarimizning badiiy ifodasini aks ettirgan ushbu sahna chiqishini tomosha qiling hamda jamoaning mahoratiga baho bering.

Bizni kuzating:

Instagram* | YouTube | Telegram

Mustaqillik bayramiga munosib tayyorgarlik ko'rilmoqda.

Mustaqillik bayramiga munosib tayyorgarlik

Abu Ali ibn Sino nomidagi Buxoro davlat tibbiyot institutida O‘zbekiston Respublikasi davlat mustaqilligining 35 yilligi munosabati bilan bayramoldi tayyorgarlik ishlari olib borilmoqda.

Institut hududi, o‘quv binolari, klinikalar hamda yotoqxonalar atrofi obodonlashtirilib, davlat bayroqlari, bayramona bezaklar va targ‘ibot vositalari bilan bezatilmoqda. Hududlarda tozalik va ozodalikka alohida e’tibor qaratilib, yashil maydonlar tartibga keltirilmoqda.

Mazkur tayyorgarlik ishlari institut jamoasining Vatanimiz mustaqilligiga yuksak hurmati hamda bayramni munosib kutib olishga qaratilgan sa’y-harakatlarining amaliy ifodasidir.

Abu Ali Ibn Sino nomidagi Buxoro davlat tibbiyot instituti axborot xizmati  
  
Telegram Facebook*
You tube www.bsmi.uz